كيف تعرفت علينا ؟؟؟

[كاترين]

مرحبا ياجماعة كيفكم ؟؟
حبيت أنو بهالموضوع كل واحد يحكي شلون تعرف على المنتدى و شو الي شجعو ليشترك في ؟؟
بتمنى من الكل يشارك و نصير هون عيلة وحدة و نتشارك بالأراء و نخلي هالموقع احسن موقع
ناطرة قصصكم و انا رح احكي قصتي بعد ما اسمع كم قصة

تحياتي لكم و لكم مني كل الأحترام و الود

[FIREMAN1]

انا والله يا كاتي اتعرفت ع الموقع من البوس جعفر
هوي اللي دلني عليه
وانا او شي ما تشجعت بس بعدين بعد ما فتت
واتعرفت على الاعضاء الاكابر
وعلى المواضيع الحلوة حبيتو وحبيت كل الاعضاء
وصار سوسي عندي هههههه

شكرا الك على الموضوع الظريف والجميل

[FOOFOO]

انا بالنسبة الي اختي شاركتني فيه
وبالاول ما كنت فوت بس بعدين صرت فوت واقرا المواضيع اللي فيه
حبيت المواضيع وحبيت الاشخاص اللي بكتبوها
ولذلك ضليت فوت وشارك واكتب ردود ومواضيع


مشكوووووووووووووووورة عيوني على الموضوع
كتيييييييييييييييييير الفكرة حلوة
تقبلي مروري

[ZOOZOO]

أنا صراحة كنت بالمنتدى من قبل ما يفتح

لهيك السبب واضح

مشكوووووووووووووووورة على الفكرة الرائعة

[farahstar]

بالنسبة الي اللي عرفني علامنتدى هو الصديق العزيز dounjwan
وشجعني ولما دخلت وقرات الافكار والمواضيع اللي فيه صرت شارك بمحبة وبعدين صرت متل مو شايفين

وانتوا ؟؟؟؟؟؟؟؟؟؟؟؟؟

وبشكر دون ومستر مراسل كتير

[~ Banota ~]

انا كنت بمنتدى تاني و جعفر كان فيو

دعاني لهون و بصراحه حبييتو كتيييييييييييييير للموقع

ميغسي حبيبتي على الفكرة الحلوة

و ألـــــــــــــــــــــ مبروووووووووووووووووك ـــــــــف على رجعه المنتدى

[baby girl]

بالنسبة الي

عرفته من مستر مراسل جعــــــــــــــــفر

تقريبا نفس بنوتااااا
بس
................
حلوة كتير الفكرة كاترين

[Exorciste]

بصراحه من ورا صديق
واول شي ما كان عندي فكره عنو
بس بعدين صرت ادخل وكتير انبسطط بهالجمعه الحلوه
وميرسي كتير يا عيوني

وخلص ....:89:

[كاترين]

مشكورين كتير كتير على تفاعلكم
و ردودكم و بتمنى كمان يصير تفاعل
و بالنسبة الي بعدين بحكيلكون القصة

[الطائر_الحر]

انا عرفت الموقع من زوزو وقت هي كانت بالمنتدى قبل مايفتح وعرفتو منها قبل مايفتح ودخلنا انا وياها قبل مايفتح عالمنتدى كمان ووقت شفت التوقيع تبعا تبع الاردن كتير لفت انتباهي خاصة انو الاردن دولة قوية تضاهي امريكا وروسيا وهي ليست جزء من بلاد الشام او سورية الكبرى متل مابتعرفو بل دولة مستقلة اهلها معروفون بالتواضع والروح الحلوة يعني مابيحوا بتكسير الروس ولا انوا مانهم متل هالبشر على الاغلب بظن اصلهم من المريخ شو رايكم بكلامي

[thelion]

انا والله بالنسبة الي كنت قاعد هون مطرح ما انا هلق يعني عند علاء
واجا جعفر بعدو بشوي وقلي على المنتدى
اي وسجلت خلصت القصة
ميرسي كاتي

[muhanad]

عرفت الموقع من قبل دونجوان وبشكرو كتير لانه بصرحة ارشدني على هذا المنتدى واتعرفت على العالم الي هون واعتبرهم اليوم من اعز اصدقائي وانتي بالاخص اخت كاتي
ومشكورة على هذا الموضوع

[كاترين]

هلا بالكل و الله و على قولة جعفر اهلا بأحلى عالم MBC3 ههههه
شرفتوني كتير الشي الحلو انو حتى هي اللحظة الكل متعرف على الموقع من بعض
يعني ما حدا دخل لهون بالصدفة حلو
يا مية اهلا و سهلا بالكل

[thelion]

انا عرفت الموقع من زوزو وقت هي كانت بالمنتدى قبل مايفتح وعرفتو منها قبل مايفتح ودخلنا انا وياها قبل مايفتح عالمنتدى كمان ووقت شفت التوقيع تبعا تبع الاردن كتير لفت انتباهي خاصة انو الاردن دولة قوية تضاهي امريكا وروسيا وهي ليست جزء من بلاد الشام او سورية الكبرى متل مابتعرفو بل دولة مستقلة اهلها معروفون بالتواضع والروح الحلوة يعني مابيحوا بتكسير الروس ولا انوا مانهم متل هالبشر على الاغلب بظن اصلهم من المريخ شو رايكم بكلامي

والله يا حبيبي الاردن من بلاد الشام وسورية الكبرى وهادا الواقع اللي ما فيك تنكروا وهادا اكيد ما بيعني انو هيي مو دولة مستقلة بالعكس دولة مستقلة وقوية
اما انو بتضاهي امريكا وروسية الاردن تكاد تكون اقل البلاد العربية من حيث الثروات الباطنية والخيرات الزراعية وخاصة بعد تأجير غور الاردن اللي هو يعتبر من اهم المناطق الزراعية بالعالم
اما انو اهلها معروفين بالتواضع اكيد هادا الشي صحيح وهني احسن ناس وروحهم حلوة
واكيد ما في حدا بيجي بتكسير الراس لا الاردنيين ولا غيرهم الانسان بس يكون عندو كرامة ما بيجي بتكسير الراس شو ما كانت جنسيتو
اما انو اصلهم من المريخ هادا رأيك وحر فيه انت
مشكور تقبل مروري

[ZOOZOO]

انا عرفت الموقع من زوزو وقت هي كانت بالمنتدى قبل مايفتح وعرفتو منها قبل مايفتح ودخلنا انا وياها قبل مايفتح عالمنتدى كمان ووقت شفت التوقيع تبعا تبع الاردن كتير لفت انتباهي خاصة انو الاردن دولة قوية تضاهي امريكا وروسيا وهي ليست جزء من بلاد الشام او سورية الكبرى متل مابتعرفو بل دولة مستقلة اهلها معروفون بالتواضع والروح الحلوة يعني مابيحوا بتكسير الروس ولا انوا مانهم متل هالبشر على الاغلب بظن اصلهم من المريخ شو رايكم بكلامي


والله يا عيوني أنت غلطان
وأنا أصلا ما بعرفك وبعمري ما حكيتك ولا بدي أعرفك
والأردن غصب عنك من بلاد الشام قبلت او ما قبلت من بلاد الشام
وازا ما عجبك روح طق رأسك بألف حيط
لانه ما بسمحلك تحكي هيك
والأردن بلد مستقل وقوي بميلكها وبجيشها الي اسمه الجيش العربي ازا ما بتعرف
وتضاهي بلاد أمريكيا وروسيا بالعقل والفهم واهلها معروفون بالتواضع والروح الحلوة متل اي دولة عربية أخرى وما بنيجي بتكير الرأس لانه عنا كرامة وما بنرضى حتى يحكي على وطنا الغالي بشيء غلط
بتمنى مرة تانية تحاول تحفظ لسانك اوك
لانه أنا ما بعرفك ولا بتشرف أعرفك
تقبل تحياتي

[ZOOZOO]

والله يا حبيبي الاردن من بلاد الشام وسورية الكبرى وهادا الواقع اللي ما فيك تنكروا وهادا اكيد ما بيعني انو هيي مو دولة مستقلة بالعكس دولة مستقلة وقوية
اما انو بتضاهي امريكا وروسية الاردن تكاد تكون اقل البلاد العربية من حيث الثروات الباطنية والخيرات الزراعية وخاصة بعد تأجير غور الاردن اللي هو يعتبر من اهم المناطق الزراعية بالعالم
اما انو اهلها معروفين بالتواضع اكيد هادا الشي صحيح وهني احسن ناس وروحهم حلوة
واكيد ما في حدا بيجي بتكسير الراس لا الاردنيين ولا غيرهم الانسان بس يكون عندو كرامة ما بيجي بتكسير الراس شو ما كانت جنسيتو
اما انو اصلهم من المريخ هادا رأيك وحر فيه انت
مشكور تقبل مروري



مشكوووووووووووووووووووور على ردك